Edhe pse jeton në Shtetet e Bashkuara të Amerikës, ku vazhdon karrierën e saj si modele, Afërdita Dreshaj e ka bërë tashmë zakon të shkaktojë zhurmë në botën e shoëbizit shqiptar me historitë e saj personale. Kësaj here flitet për një ndryshim të rëndësishëm në jetën private, ndarjen nga i dashuri i saj milioner çek, Jakub Kindl, shkruan “Panorama Plus”.
Dy vite pasi deklaroi për Afërditën se kishte rënë në dashuri, marrëdhënia e tyre ka hyrë në krizën e ndarjes. Dyshimet e para se lidhjes 3 vjeçare i ka ardhur fundi i ka ngritur “Prive”, nisur nga fotot që modelja poston në rrjetet sociale. Mungesa e fotove çift në rrjetet sociale (që është në stilin e Afërditës) ka konfirmuar në njëfarë mënyre fjalët që kanë dalë nga miqtë e afërt të saj. Fotoja e fundit që ata kanë bashkë në Instagram është shkrepur në muajin korrik, gjatë pushimeve të tyre në Santorini, ku dhe festuan 30 vjetorin e Dreshajt.
Kindl, 28-vjeçar, ishte dashuria e re e Afërditës që nisi pas ndarjes nga këngëtari Shpat Kasapi. Edhe pse në intervistat e saj të para në Tiranë nuk e përmendi emrin e tij, të gjitha mediat e kishin zbuluar tashmë historinë e saj me milionerin çek, një hokeist i njohur. Nuk u desh shumë kohë dhe ajo e prezantoi me mamanë e saj, në një restorant luksoz në Shtetet e Bashkuara të Amerikës. Dhurata e tij e parë shumë speciale dhe e shtrenjtë që i bëri Afërditës ishte për 28-vjetor, një makinë e bardhë, tip “Porsche”, për t’u pasuar me pushime të shtrenjta në të gjithë botën.
