Mesfushori i Kombëtares shqiptare, Keidi Bare, është përplasur ashpër me Marco Veratin në miqësoren që Shqipëria po luan me Italinë.
Mesfushorin e PSG-së e tradhtuan nervat kur Bare i zuri rrugën dhe e kapi nga fanella.
Gjithsesi ky i fundit nuk nguroi t’i ktheheshe dhe u desh ndërhyrja e lojtarëve të tjerë për të qetësuar situatën.
Të dy ata u ndëshkuan me karton të verdhë për këtë përplasje.
Sa i përket rezultatit, Italia është në avantazh, duke thelluar fitoren disa minuta më parë.
Në minutën e 64, në momentin më të mirë të Shqipërisë shënon përsëri Italia. Grifo realizon me një gjuajtje perfekte që mposht Berishën.
Kombëtarja shqiptare kaloi në avantazh e para. Pas një goditje dënimi Ismajli fluturoi mbi mbrojtësit e Italisë dhe me kokë mposhti portierin Meret i cili mbetet i palëvizur.
Por, zgjati shumë pak festa kuqezi. Pas një rivënie anësore, mbrojtja e kombëtares tonë nuk ishte e pozicionuar mirë dhe Di Lorenco tund rrjetën duke barazuar shifrat.
Shqipëria pësoi sërish gol në minutën e ‘25. Raspadori kaloi me lehtësi Kumbullën dhe pasoi për Grifon i cili i vetëm çoi topin në portën e Berishës. 1-2 rezultati.
Gjithashtu, kujtojmë se Policia ka njoftuar planin e masave për miqësoren mes Shqipërisë dhe Italisë që po zhvillohet në stadiumin “Air Albania”.
Në kuadër të masave për mbarëvajtjen e ndeshjes nga ora 18:00 u bllokuan disa akse rrugore, konkretisht rruga “Lekë Dukagjini”, përreth stadiumit; rruga “Dervish Hima”; rruga “Gjergj Filipi”; rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”.
