Këngëtarja shqiptare Ledina Çelo ka marrë një dhuratë super luksoze nga bashkëshorti i saj.
Këngëtarja është bërë me një Porsche 911 Carrera që kushton rreth 120 mijë dollarë. Momentin ku ajo zbulon makinën e ka ndarë me ndjekësit në Instagram. “Një surprizë nga bashkëshorti. “Hajde t’më kapësh mua tani”, shkruan ajo.
Këngëtarja e njohur Ledina Çelo prej vitesh tashmë jeton në Gjermani, duke iu përkushtuar familjes dhe biznesit. Artistja është larguar prej vitesh nga skena.
Artistja tregon me anë të postimeve të saj se bën jetën që ka ëndërruar. Ka një familje të bukur, jeton mirë dhe bën pushime të shtrenjta. Gjithashtu duhet konsideruar me fat, sepse vitet për të kanë mbetur thjesht një numër dhe Ledina vijon të jetë në super-formë, madje ky është komenti më i shpeshtë dhe më klasik që ajo merr nga ndjekësit e saj.
Edhe për jetën e saj luksoze, ka pasur mjaft kuriozitet. Madje, fëmijët e “Piter Pan” e kanë pyetur direkt se ku i gjen lekët për të bërë jetë aq luksoze.
“Ne punojmë shumë. Unë dhe burri im kemi një kompani me 500 punonjës. Unë mbaj kontabilitetin e familjes sime… Punë, punë natë e ditë”, tha Ledina duke u dhënë mesazh fëmijëve që edhe ata të studiojnë dhe të punojnë shumë, në mënyrë që të arrijnë gjërat që duan në jetë.
Këngëtarja, tashmë nënë e dy fëmijëve, ka vite e martuar në Gjermani me një burrë të pasur. Artistja njihet për hitin e saj “Nesër shkoj” (me të cilin përfaqësoi Shqipërinë në “Eurovision 2005”), “Të ndjej të huaj” e shumë të tjera.
