Moderatorja Arbana Osmani është mjaft aktive në rrjetet e saj sociale, ku ndan me ndjekësit e saj momente nga përdishmëira me familjen e saj.
Së fundmi moderatorja ka ndarë me fansat disa foto dhe video, teksa fillon zbukurimet në shtëpi për festat e fundvitit.
“E dimë që bëhet me datë 6”- ka shkruar Arbana. Epo me sa duket festat e fundvitit kanë “trokitur” më herët në shtëpinë e Arbanës.
Teksa po përgatitet për edicionin e dytë të “Big Brother Vip” dhe prezantimin e edicionit të 61 të “Festivalit të Këngës” në RTSH, Arbana Osmanin e pamë edhe si aktore, pas pjesëmarrjes në filmin “Sofia”, me regji të bashkëshortit të saj, Eduart Grishajt.
Kësaj liste relativisht të gjatë, moderatorja i ka shtuar edhe një aktivitet të ri, i cili nuk ka aspak lidhje me to. Ajo ka marrë një lepur të vogël në shtëpi, për të cilin do të kujdeset gjithashtu.
“Me ça i kam hap punë vetes këto ditë,” 🐇-shkroi Arbana krahas një postimi në Instagram ku duket së bashku me “pjesëtarin” e ri të familjes.
Në listën e gjatë të gjërave që Osmani i ndan ditën e saj, sigurisht kryeson ajo e mëmësisë. Moderatorja tashmë është nënë e tre fëmijëve, të cilët pavarësit angazhimeve të saj të shumta, nuk i lë pas. Ose kështu duket nga momentet e bukura që poston me ta në llogarinë e saj sociale.
Kujtojmë që me datë 1 shtator të këtij viti, moderatorja solli në jetë vajzën e saj, Zoin të cilën e ka me Eduart Grishajn. Ajo ka edhe një djalë Diellin me regjizorin dhe Jonin më të madhin nga martesa e saj e parë.
