Të ngelësh pa “kokërr leku” në mes të Londrës duhet të jetë një ndjesi aspak e mirë! Epo në këtë rast solidarizohemi të gjithë me Ronela Hajatin, e cila është vjedhur në mes të kryeqytetit anglez.
Me anë të një videoje në Instagram, teksa ka shfaqur një foto ku duket e buzëqeshur, këngëtarja dëgjohet të thotë:
“Kjo është një foto imja e lumtur para se të më vidhnin portofolin tek kjo çanta. Fotoja ime e fundit e lumtur. Më kanë vjedhur gjithë lekët, kartat, identitetin. Jam në mes të Anglisë dhe nuk kam identitet. Kam gjithsej vetëm 4 paund. Pres shumë lekë nga ju shqiptarët e mi të m’i sillin,”shton ajo duke qeshur.
Kujtojmë që disa ditë më parë, Ronela ka performuar për herë të parë në Angli përpara një audience jo shqiptare.
Pavarësisht kritikave dhe komenteve negative që ka marrë, Ronela Hajati do ta përfaqësonte Shqipërinë përsëri në Eurovision.
Kështu u shpreh vetë këngëtarja në një postim më herët në profilin e saj në “Instagram”. Ajo ndau disa foto dhe video nga koncerti i fundit që ka mbajtur në Londër, ku mes të tjerash shkruante:
“Eurovizioni ka qenë një nga eksperiencat më të bukura në jetën time, ndonjëherë mendoj se duhet ta bëj përsëri.”
