Semi Jaupaj dhe Ron Zaiti ishin një nga dyshet më të përfolura gjatë verës. Ata sollën një bashkëpunim në videoklipin e të cilit dukeshin tejet të afërt e më pas u fotografuan bashkë.
Mirëpo, teksa ata vetë nuk kishin folur asnjëherë për statusin e marrëdhënies së tyre, dyshja fshinë njëri-tjetrin edhe në Instagram. Qofshin si miq, partnerë, apo ish-partneri deri para pak kohësh dy këngëtarët ishin në listën e ndjekësve të njëri-tjetrit por tani jo më.
Së fundmi ka qenë kënëgtari Ron Zaiti ai i cili ka sqaruar të vërtetën e marrëdhënies me Semin. Teksa ishte i ftuar në “Prive”, Ronit iu kërkua të përshkruajë me një fjalë marrëdhënien e tij me Semin.
“Kolege prej ditës zero, keni gabuar pak”- u shpreh Roni.
Ndërsa foli për jetën private, Roni zbuloi se ka pasur vetëm një lidhje, kurse pyetjes se sa zgjat në një marrëdhënie intime ai iu përgjigj duke thënë: “20 minuta”.
Teksa nuk dihet se çfarë ka ndodhur realisht mes tyre disa kohë më parë, Ron Zaiti u pyet në Instagram nëse ka në plan “Ndonjë bashkëpunim tjetër me Semin?”Ndërsa Roni është përgjigjur duke shkruar se ekziston mundësia në të ardhmen për një tjetër projekt me Semin, të cilën e cilëson si “artiste të mirë.”
“Mbase në të ardhmen. Gjithmonë dua të bëj këngë me artistë të mirë.”– shkruante Roni.
“Prive” raportoi disa kohë më parë që marrëdhënia e ndërtuar “blic” mes tyre ka përfunduar me kaq. Të njëjtat kanë shprehur se dyshja kanë zgjedhur të mbeten vetëm shokë.
Semi Jaupaj dhe Ron Zaiti janë komentuar për një romancë mes tyre që pas publikimit të këngës “All your lovin”. Fansat vunë re menjëherë afrimitetin që Semi dhe Roni kishin në videoklip, dhe nisëm menjëherë të komentojnë se “sa bukur duken si çifti.”
