Teksa shumë kishin dyshime tek lidhja e tyre, Einxhel Shkira dhe Arbër Gumnishta ose i njohur si Dj Dagz i kanë treguar të gjithëve që janë bërë për njëri-tjetrin.
Dyshja janë kthyer në një nga çiftet e preferuara të Instagramit, me Einxhel e cila nuk heziton të publikojë herë pas here momente të tyre të ëmbla. Së fundmi moderatorja është “ankuar” për partnerin, duke u shprehur se ai kërkon shumë vëmendje.
Einxhel ka publikuar një video me Dagz teksa e përqafon dhe i dhuron puthje.
“Vdes për vëmendje, vdes mbaron, mos të jem unë duke bërë diçka tjetër duke u marrë me ndonjë gjë tjetër se ky bëhet si fëmijë”,-dëgjohet të thotë Einxhel Shkira.
Kujtojmë që moderatorja dhe Dj Dagz u njohën në reality-show-n, “Big Brother Vip”. Që nga ai moment ata janë bashkë, madje së shpejti do të bëhen prindër të një djali. Ndonëse Einxhel bëri të pamundurën ta mbante të fshehtë shtatzëninë, ajo u zbulua duke u përfolur goxha në rrjet.
Më herët, Einxhel ka patur një reagim për personat që e kanë kritikuar për ekspozimin e barkut të rrumbullakosur në rrjet.
“Si fillim ju falenderoj shumë për çdo urim, fjalë të mirë e këshillë pa e vënë në diskutim qëllimin e mirë në secilën prej tyre. Por kam lexuar komente e mesazhe ku sugjeroni, gati-gati në lutje që të mos ekspozoj në foto barkun se tani ‘si nënë e kupton vetë ti’ (?!). Unë kuptoj dhe nënkuptoj shumë gjëra dhe pikërisht për hir të këtyre bestytnive shpeshherë jam bërë paranojake… Ama të dashura gra e nëna, po nëse dikujt i duhet të punojë në ekran gjatë shtatzënisë dhe barkun ja shohin me mijëra e miliona sy?! Po nëse gjatë asaj periudhë bëjnë foto veshjesh shtatzëna për punë dhe ato sërish shihen nga pafund sy…dhe akoma më e zakonshme, mjafton një ditë në plazh që barku të shihet nga dhjetra sy…Ju lutem boll përcollët energji të tilla dhe bestytni që në vend të na ndihmojnë thjesht të shtojnë ankthin! Mbase është idiotllik, por edhe unë besoj te syri, ama çdo gjë ka një limit, se s’do ngujohemi në shtëpi tani që të jemi të mbrojtur nga syri keq”- ka shkruar më herët Einxhel.
