Ky vit ka qenë padyshim intensiv për Johnny Depp, i cili vetëm disa muaj më parë mbylli gjyqin për shpifje kundër ish-bashkëshortes Amber Heard që përfundoi me fitore për të.
Kjo ngjarje përveç një shifre të konsiderueshme dëmshpërblimi, i vërtetoi aktorit numrin e madh të personave në mbështetje të tij.
Gjatë gjithë muajve intensiv të gjyqit, përpos tij u përfshinë edhe fansat duke treguar dashurinë e tyre për yllin e “Pirates of the Caribbean”.
Mirëpo tani që ka kaluar disa kohë, Johnny i është rikthyer jetës së tij normale dhe karrierës profesionale.
Padyshim që roli më i popullarizuar i Depp është ai i kapitenit Jack Sparrow në serinë e filmave “Pirates of the Caribbean”.
Së fundmi, Depp është parë në publik pikërisht si ky personazh në një përpjekje për t’i ofruar një përvojë magjike një fansi me nevoja të veçanta.
Në një video të postuar në Twitter, shihet aktori duke biseduar si kapiteni i famshëm me fansin që ndodhet një karrige me rrota.
Ohhh ISTG! This man here! God dad (#JohnnyDepp) In Captain Jack Sparrow voice! 😍 he’s the best! Love him so damn much! (credits to christinekelly838 IG for sharing this amazing video with all of us once again☺️) #NewVideoOfJohnnyDepp #NeverFearTruth#JusticeForJohnnyDepp pic.twitter.com/VO44rCHbeX
— Jerrie Depp (@JerrieDepp) October 23, 2022
Ky gjest bëri xhiron e rrjetit, duke marrë reagime të pafundme nga fansat e tij.
Kujtojmë që pas pauzës, Johnny Depp është shfaqur në ekrane në një reklamë të Paco Rabanne, ndërsa ka pasur thirrje që ta përsëritë këtë rol në një tjetër vazhdim të “Pirates of the Caribbean”.
