Bora Zemani dhe Donald Veshaj janë dyshja më e komentuar e momentit. Moderatorja e njohur dhe aktori po shijojnë romancën e tyre ku herë pas here, publikojnë video e foto së bashku.
Por së fundmi dyshja kanë marrë një dhuratë mjaft speciale. Bora zbuloi se fansat e saj i kanë dhuruar një shishe vere të paketuar me emrin e foton e tyre.
Bora Zemani është si magnet për vëmendjen e publikut. Moderatorja më e përfolur e momentit u bë kryefjalë e mediave rozë disa ditë më parë, teksa u aludua për një shtatzëni të mundur.
Mirëpo këto spekulime i hodhi poshtë ajo vetë, të premten që lamë pas gjatë “Dancing With The Stars”, ku u shpreh:
“Më thanë që e kam çun. Për momentin jo, nuk jam shtatzënë…”
Së fundmi burime për “Prive” kanë deklaruar se zgjerimi i familjes nuk është në planet e afërta të moderatores. Vetëm nëse ndonjë surprizë ndodh rrugës, pas ribashkimit të bujshëm me Donald Veshajn.
Kujtojmë që Borës këtë sezon të ri televiziv, iu premtua moderimi i “Dancing With The Stars”. Më herët ajo ka prezantuar programin e dashurisë “Për’puthen.”
Viti që lamë pas ishte shumë intensiv për moderatoren edhe nga ana personale. Ajo u përfol kudo në rrjet për marrëdhënien e saj me Donald Veshajn. Dyshja lanë pas gjithçka dhe sot janë së bashku.
