Ka shkuar në 151 numri i viktimave që kanë humbur jetën gjatë festimeve të Halloweeni-t në Korenë e Jugut, 19 prej të cilëve raportohet se janë shtetas të huaj.
Qeveria metropolitane e Seulit thotë se ka marrë raportime për 355 persona të zhdukur që nga përplasja në Itaewon. Denoncimet bëhet me dije se po i kalojnë policisë.
Viktimat u shtypën nga një turmë e madhe që po shtynte përpara në një rrugë të ngushtë gjatë festimeve të Halloëeen-it pranë hotelit Hamilton në zonën e Itaewon.
Autoritete vendase bënë me dije se personat kanë pësuar arrest kardiak në rrugë për shkak se janë shtypur nga një turmë e madhe njerëzish që kishin dalë për të festuar në rrugë.
Pamjet në mediat sociale treguan shumë viktima të shtrirë në rrugë teksa punëtorët nga shërbimet e urgjencës kryenin ndërhrje me CPR tek ata në përpjekje për t’i kthyer në jetë.
Choi Seong-beom, shefi i departamentit të zjarrfikëses në Seulit, tha se numri i të vdekurve mund të rritet, me 150 persona të lënduar dhe disa prej tyre në gjendje kritike në spital.
Shumica e trupave janë dërguar në spitale, ndërsa pjesa tjetër po dërgohen në një palestër aty pranë në mënyrë që të mund të identifikohen, shtoi ai.
Më shumë se 800 persona, personel i shërbimeve të urgjencës u vendosën në rrugë për të trajtuar të lënduarit, duke përfshirë të gjithë personelin në dispozicion në Seul.
