Pesëdhjetë e nëntë persona kanë ndërruar jetë në një përplasje mes turmave të mëdha të Halloween në një zonë popullore në kryeqytetin e Koresë së Jugut.
Autoritete vendase bëjnë me dije se rreth 50 persona kanë pësuar arrest kardiak në rrugë për shkak se janë shtypur nga një turmë e madhe njerëzish që kishin dalë për të festuar në rrugë.
Agjencia e lajmeve Yonhap citoi shërbimet e urgjencës duke thënë se 150 të tjerë ishin plagosur në lagjen Itaewon të Seulit.
Videot nga vendi i ngjarjes tregojnë çanta trupash në rrugë, punonjës të urgjencës dhe shpëtimtarë që përpiqen të tërheqin njerëzit e bllokuar nën të tjerët. Presidenti i Koresë së Jugut, Yoon Suk-yeol ka thirrur një takim urgjent.
Rreth 50 persona ishin në arrest kardiak në lagjen qendrore, njoftoi agjencia e lajmeve Yonhap, duke cituar zyrtarët e zjarrfikësve.
Raportohet se kishte 100,000 argëtues në zonë që festonin ngjarjen e parë të Halloëeen-it pa maska që nga pandemia. Mesazhet e mediave sociale të postuara më herët në mbrëmje tregojnë disa njerëz që vërejnë se zona e Itaewon ishte aq e mbushur me njerëz sa ndihej e pasigurt.
BBC shkruan se pa “shumë staf medial, shumë ambulanca, ata po i merrnin trupat një nga një”.
Gjithashtu raportohet se kishte mijëra mes turmave dhe një numër trupash të mbuluar me çarçafë blu, së bashku me një “qindra efektivë policie”.
“Shumë të rinj janë mbledhur këtu sonte. Shumë njerëz erdhën në festë dhe klub, të veshur me kostume dhe shumë njerëz që kam parë të shqetësuar dhe të trishtuar dhe ka skena kaotike,” tha gazetari i BBC.
