Këngëtarja Ronela Hajati është bërë nostalgjike së fundmi. Ajo ka publikuar një video në Instagram nga “Festivali i Këngës” kur ajo performonte këngën “Sekret”.
Ajo shkroi se kënga e saj “Sekret” është një nga hitet më të padiskutueshme në historinë e festivalit.
“Që kur nisi sezoni i Festivalit të Këngës u bëra shumë nostalgjike duke e parë këtë. Pas gjithçkaje që u tha e që ndodhi (por për këto nuk e di nëse do të flasë ndonjëherë) ‘Sekret’ është një nga hitet më të padiskutueshme në historinë e festivalit”, theksoi këngëtarja.
“Nëse do ta rikëndoj ndonjëherë me këtë këngë në skenë do qaj e sigurt. Ne kemi bërë një punë të mahnitshme. Ju dua me gjithë zemër”, vijoi ajo më tej.
Ronela Hajati është goxha e suksesshme në industrinë e muzikës dhe pëlqehet shumë nga publiku por kur vjen puna për jetën e saj sentimentale dhe për të pasur një partner në krah, ajo ka zbuluar më parë se angazhimet e tepërta që ka nuk ia lejojnë diçka të tillë.
Nëpërmjet disa postimeve ‘funny’ në “InstaStory”- Ronela tregoi disa muaj më parë arsyen ‘epike’ se përse është ende beqare: ‘Asaj i pëlqen ta ketë të gjithë krevatin për vete dhe të flejë vetëm’.
“Unë kur pyes veten si ka mundësi që një gur i çmuar dhe i rrallë si puna ime është akoma beqare. Xhindet e mia që s’pëlqejnë asnjë njeri… Ose pëlqejnë frymorin e gabuar…”– u shpreh Ronela
