Kim Kardashian tashmë ka marrë një vendim së fundmi. Ajo ka vendosur që të shërohet pas divorcit nga Kanye West.
Thuhet se Kim ka vizituar një shërues shpirtëror në Beverly Hills.
Ajo u pa me një çantë shpine të vogël të zezë duke mbuluar fytyrën e saj.
Kim Kardashian është gjithnjë në qendër të vëmendjes. Së fundmi, ajo ka bërë një reagim lidhur me postimet antisemitike të Kanye West në rrjete sociale. Ajo ka shkruar se gjuha e urrejtjes në rrjete sociale nuk ka justifikim.
“Gjuha e urrejtjes nuk është asnjëherë e mirë apo e justifikueshme”, theksoi në fillim Kim.
“Unë qëndroj së bashku me komunitetin hebre dhe bëj thirrje që dhuna e tmerrshme dhe urrejtjet ndaj tyre të marrin fund”, vijoi më tej.
Por pse vijnë pikërisht këtë komente të Kim tani?
Boy George e kritikoi më herët Kim se përse nuk ka bërë ende një reagim për reperin e njohur.
“Jam e tmerruar që Kim Kardashian nuk ka dalë dhe nuk ka përdorur zërin e saj në këtë debat, sepse kjo grua ka fëmijë me Kanyen”, tha Boy George më herët.
Adidas i ka dhënë zyrtarisht fund partneritetit me Kanye West pas komenteve të tij antisemitike.
“Adidas nuk toleron antisemitizmin dhe çdo lloj tjetër të gjuhës së urrejtjes. Komentet dhe veprimet e fundit të Ye-së kanë qenë të papranueshme, të urryera dhe të rrezikshme, dhe ato shkelin vlerat e kompanisë për diversitetin dhe përfshirjen, respektin reciprok dhe drejtësinë”– tha kompania në një deklaratë këtë të martë.
