Divorci mes Brad Pitt dhe Angelina Jolie me siguri do të kujtohet për vite me radhë si një nga ngjarjet më të papritura dhe që bëri bujë në historinë e të famshmëve. Por nëse kthehemi pas në kohë, në vitet ’90 bëri bujë fakti që Julia Roberts dhe Kiefer Sutherland nuk u martuan, madje aktorja e “Pretty Woman” e la të dashurin e saj dy ditë para dasmës.
25 vite pas episodit të dhimbshëm, Kiefer Sutherland foli për herë të parë në lidhje me marrëdhënien e tij me Julia Roberts, duke shpjeguar se ai nuk ndjen inat ndaj aktores, madje admiron guximin e saj për të mos shkuar në altar. “Mendoj se duhet shumë kurajë, për të thënë “jo nuk dua”, tha aktori në një intervistë për “The Jess Cagle”.
Përveçse e la të dashurin pak para martese, Julia Roberts kishte vendosur të shkonte në Irlandë me Jason Patric, asokohe miku më i mirë i Kiefer Sutherland. “Julia e theu zemrën time…Ai gjarpër pretendonte se ishte shoku im më i mirë, kur në të vërtetë donte femrën time”, tha aktori në atë kohë.
Pas kaq shumë vitesh, zemërimi i tij është zbutur.
“Ne ishim të dy të rinj dhe të dashuruar, kishim vendosur të martoheshim, por më pas kjo gjëja tjetër e largoi prej meje”, ka thënë Sutherland. “Ajo ishte gruaja më e famshme në botë dhe kjo martesë duhej të ishte diçka mes nesh, por në vend të kësaj u bë diçka e madhe”.
Julia Roberts dhe Kiefer Sutherland u takuan për herë të parë në setin e “Flatiners” në 1990 dhe duhet të martoheshin më 14 qershor 1991 para 150 mysafirëve në Los Angeles. Por aktorja, nw atw kohw vetwm 23 vjeç, e la të dashurin e saj dy ditë para dasmës.
Kiefer më vonë u martua me Kelly Winn në vitin 1996. Çifti u nda në vitin 1999 dhe u divorcua në vitin 2004. Aktori ka pasur edhe një lidhje të qëndrueshme me Bo Derek. Julia Roberts, megjithatë, u martua me Lyle Lovett, me të cilin qëndroi nga qershori 1993 deri në vitin 1995, për t’u lidhur më pas me Benjamin Bratt nga viti 1998 deri në vitin 2001. Në fund ajo u martua me kameramanin Danny Moder në korrik të vitit 2002, me të cilin ka tre fëmijë.
Burimi: DireDonna
