Fansat e Bora Zemanit nuk ndalen! Ata kanë gjetur një mënyrë të re, jo të zakonshme duhet thënë për të surprizuar idhullin e tyre.
Disa adhurues kanë shfrytëzuar pluhurin e makinës së saj për të lënë dedikime për të. Ka qenë vetë Bora e cila ka ndarë një video në Instastory, ku teksa shprehet e turpëruar që makina e saj është pis, nuk heziton të shfaqë emocionet për dedikimet e fansave.
“Shumë pis, por të jep mundësi të shkruash çfarë të duash,”-dëgjohet të thotë Zemani. Ndërkohë në video duken shkrime “Të dua, Bora”, apo zemra të vizatuara në pluhur.
Kujtojmë që Borës këtë sezon të ri televiziv, iu premtua moderimi i “Dancing With The Stars”. Më herët ajo ka prezantuar programin e dashurisë “Për’puthen.”
Viti që lamë pas ishte shumë intensiv për moderatoren edhe nga ana personale. Ajo u përfol kudo në rrjet për marrëdhënien e saj me Donald Veshajn. Dyshja lanë pas gjithçka dhe sot janë së bashku.
E ftuar në “Më lër të flas” Zemani zbuloi kohën kur përjetuan vështirësi ekonomike në familje si dhe vështirësi shëndetësore të babait të saj.
“Fëmijëria ime ka qenë shumë e bukur. Të gjithë jemi rritur me kushte të vështira, si të gjithë shqiptarët, por me shumë dashuri nga prindërit tanë. Të gjitha vështirësitë ekonomike apo shëndetësore, nuk janë ndjerë shumë se familja ka qenë e bashkuar dhe shumë mbështetëse. Babai ka qenë i sëmurë kur kam qenë e vogël. Si vajza e babait e kam përjetuar më shumë seç ishte problemi. Sot kanë kaluar të gjitha, ai është shumë mirë dhe është pika ime e dobët. Ka qenë mami pjesë shumë dominante e familjes. Ajo ka qenë gjithmonë aty, duke na shtyrë që të merreshim me sa më shumë aktivitete. Ne kemi pasur disa probleme, kur kam lidhur unë kemi jetuar në bllok. Por në 97’ shtëpia u mor. Pastaj ishim pa shtëpi por u sistemuam në një dhomë shumë të vogël. Sado e vështirë, unë e kujtoj si periudhë shumë të bukur. Dua t’i shoh anën pozitive të gjitha gjërave”- zbuloi ndër të tjera Bora Zemani.
