Capital T është një ndër reperët më të dashur dhe është gjithnjë në qendër të vëmendjes. Së fundmi, ai ka qenë i ftuar në emisionin “Barber Shok” ku ka folur për jetën e tij personale por edhe atë profesionale. Ai u ndal edhe tek menaxhimi i artistëve.
“Kohën kur ia kam nisur unë nuk ka pasur as menaxherë në lojë, tani kanë filluar lekët, interesi e kështu. Nuk kam mundur të gjejë dikë që më reprezenton mua. Menaxherët në industrinë tonë shpesh e keqkuptojnë rolin e vet bëhen më yje se artistët”, tha reperi.
Më tej, Capital T ka treguar se ai dëshiron që cdo gjë ta marrë vetë përsipër, si për mirë apo edhe për keq.
“Me artistët që i kam njohur unë janë 90 për qind më ndryshe sikur i shohin njerëzit apo sikur i portretizojnë, më thjesht më përtokë. Menaxherët tani mendojnë se janë më yje se i kanë të gjitha gjërat në dorë. Është lodhje, në fund të fundit jam 100 për qind unë. I marr përsipër të mirat dhe të këqijat, çfarëdo që ndodhin”, vazhdoi më tej Kapo.
Reperi Capital T gjithnjë e ka mbajtur të fshehtë jetën e tij private. Më herët, në një intervistë, ai ka thënë edhe arsyen se përse ai nuk do të flasë për jetën personale me ndjekësit apo fansat e tij.
“Me njerëzit që nuk kam konfidenca, unë nuk e shfaq tërësisht veten time”, thekson Capital T.
