Familjarët e Coolio do ta mbajnë kujtimin e tij dhe një pjesë të tij afër zemrave të tyre.
Reperi i njohur – emri i vërtetë i të cilit ishte Artis Leon Ivey Jr. – ndërroi jetë papritur në moshën 59-vjeçare më 28 shtator, dhe sipas TMZ, shtatë nga fëmijët e tij do të mbajnë hirin e babait të tyre brenda gjerdanëve të veçantë.
Sipas përfaqësuesit të tij, hiri i Coolio do të vendoset brenda varëseve, ku secili fëmijë do të personalizojë të tyren me një mbishkrim.
Anëtarëve të tjerë të familjes do t’u jepen gjithashtu gjerdanë.
Coolio kishte katër fëmijë me ish-gruan e tij Josefa Salinas, me të cilën u martua në vitin 1996, duke përfshirë vajzat Brandi, Artisha dhe Jackie, së bashku me një djalë, Artis, i cili tani quhet Grtis. Familja u shfaq në reality show-n e tij jetëshkurtër “Coolio’s Rules” në 2008.
Së fundmi, djali i madh i reperit Artis Ivey III, ka thënë së fundmi se babai i tij ndërroi jetë nga një atak në zemër.
“Babai im kishte disa komplikime shëndetësore. Ai shqetësohej për ato gjëra. Vuante nga astma, një astmë shumë e keqe”.
“Ai jetonte nga dita në ditë. Kryesisht nuk merrte drogë, por të gjithë kanë veset e tyre në jetë, ndërsa ato vese kurrë nuk ndikuan tek ai si baba apo njeri. Ai vdiq nga shkaqe natyrale, nga një atak në zemër…Babai ynë gjithmonë na përgatiste për gjërat që mund të ndodhin”, ka rrëfyer i biri.
