Olsa Muhameti dhe Arjan Konomi u vendosën përballë njëri-tjetrit gjatë një loje në “Më Lër të Flas”, ku iu përgjigjën disa pyetjeve.
Mes të tjerash Romeo Veshaj pyeti autoren dhe opinionistin e “Për’puthen” se cilën nga modeeratoret e programit të dashurisë preferojnë më shumë. Kujtojmë se Bora Zemani ka prezantuar Për’puthen deri më tani, ndërsa këtë sezon emisioni është nën moderimin e Ori Nebiajt.
Në përgjigjen e tij, Arjan Konomi nuk hezitoi të thoshte emrin e Bora Zemanit, për të cilën tha se ka kaluar shumë mirë. Opinionisti nuk ka pa përmendur tërthorazi edhe romancën e saj duke thënë se “lum kush e ka.”
“Unë e them Borën, sepse jo se kam diçka me Orin por kaluam dy sezone bashkë dhe kemi kaluar shumë bukur dhe uroj të jetë ashtu me Orin. Lum kush e ka atë Borën se do kalojë bukur”- tha Arjani.
Nga ana tjetër Olsa u tregua më e rezervuar në përgjigjen e saj, duke thënë fillimisht emrin e Ori Nebiajt, duke qenë se është prezantuesja aktuale e “Për’puthen.”
“Meqë Arjani tha Borën unë po them Orin. Sigurisht që më merr malli por Borën por po punoj me Orin, për të gjithë kohën që kam kaluar me Borën dhe për kohën që do kaloj me Orin”- tha Olsa Muhameti.
