Rrjeti social TikTok është kthyer në rrjetin më të pëlqyer për përdoruesit në mbarë botën. Të rinj e të reja, të rritur e mosha të thyera i janë bashkuar me kohën këtij rrjeti që ofron argëtim dhe jep hapësira për kontent origjinal.
Figura të njohura të politikës nga e gjithë bota i janë bashkuar rrjetit social, për të qenë më pranë ndjekësve të tyre. Diçka e tillë po ndodh edhe në Shqipëri ndërsa së fundmi, TikTok-ut iu bashkua dora vetë, Sali Berisha!
Ish-kryeministri i Shqipërisë ka hapur një llogari të re në emrin e tij Sali Berisha, me username “prof.dr.saliberisha”. Madje, ka postuar edhe videon e parë që brenda pak orëve ka marrë mijëra shikime.
“Mirëdita! Një përshëndetje nga kanali im Tiktok. Jam entuziast se nga sot po filloj një komunikim me ju përmes këtij kanali që njeh përparim të shpejtë. E vërteta është se ka qenë një pasion dhe do të mbetet gjithnjë, teknologjia”, shprehet Berisha mes të tjerash në video.
@prof.dr.saliberisha Mirëdita, një përshëndetje të përzemërt nga kanali im zyrtar #TikTok #sb #partiademokratike#saliberisha#pdsh ♬ original sound – Sali Berisha
Ai e ka filmuar videon e parë nga zyra e tij, ndërsa njerëzit janë kuriozë të shohin ç’video të Berishës do të pasojnë pas kësaj.
