Dikur pjesë e një reality-show si Për’puthen, tanimë mesa duket do e shohim edhe në “Dance Albania”.
Bëhet fjalë për ish-konkurrenten e Për’puthen, Melisa Lleshin. Burime për Kryefjala.com, kanë bërë me dije se Melisa këtë të hënë do të jetë pjesë e programit të kërcimit si konkurrente.
Në fakt nuk do të ishte një çudi, pasi Melisa edhe më parë në Për’puthen është prezantuar duke bërë një kërcim sensual. Ajo shpesh herë ka deklaruar se kërcimi është një pjesë e saj madje edhe ka marrë mësime për këtë fushë.
Kujtojmë që ish-konkurrentja pas daljes së saj nga programi i dashurisë ka qenë në qendër të vëmendjes për lidhjen me Andi Shehin. Dyshja shfaqeshin kudo bashkë, derisa edhe lidhjes së tyre i erdhi fundi disa kohë më parë.
Më herët e pyetur se cila ka qenë arsyeja e ndarjes së saj me Andin ajo deklaroi se kjo ishte më e mira për të dy.
“Sepse ishte më e mira(Ndarja). Ishte e kam thënë dhe po e them dhe do vazhdoj ta them, unë meritoj më shumë. Tani kam kohën time për muzikën, ai ka kohë për të bërë gjithë gjërat e tij dhe i uroj më të mirat,”-shtoi Lleshi.
Përpos kërcimit, Melisa prej kohësh i është futur edhe rrugës së muzikës, ku është shprehur se ka plane serioze në lidhje me këtë profesion.
