Zyra e re e “Google” në Londër priti qindra pjesëtarë nga stafi i kompanisë. Rreth 800 inxhinierë u zhvendosën në ndërtesën 11 katëshe në sheshin 6 ‘Pancras Square’, ndërsa 2000 pjesëtarë të tjerë të stafit do të zhvendosen përgjatë vitit. Deri në qershor ishin përfunduar vetëm pesë kate të ndërtesës, por “Google” pret që 11 katet të përfundohen në tetor.
Imazhet e selisë së re të gjigantit të teknologjisë në Londër, përfshijnë dhoma gjumi, dhoma të shumta me divane, si dhe ushqim falas.
Ndërtesa përfshin ambiente të posaçme, që mundëson takimet midis kolegëve për biseda bashkëpunimi, ndërsa nuk mungon as restoranti dhe kafenetë. Kompania ka edhe një palestër prej 90 metrash.
Zyrat e brendshme janë të mobiluara në mënyrë luksoze me një vlerë prej 5.500 paundë secila, ndërsa mobiliet janë blerë tek kompania zvicerane Vitra me çmim mestar prej 17,000 paundë.
“Google” është një nga disa korporatat multinacionale, e cila është kritikuar jo pak në Evropë për pagimin e ulët të taksave, teksa marrëveshjet e saj financiare janë shpesh komplekse.
Kompania ka paguar në Britaninë e Madhe 130 milionë paundë taksa të prapambetura, pas reagimeve të shumta.
*Shfleto galerinë
Burimi: BusinessInsider
