“Dermaplaning” është sekreti më i madh i “Hollywood”-it kundër plakjes. Ky sekret është mbajtur kaq mirë sa shumë prej tyre po e përdorin prej dekadash, madje edhe shekuj, ndërsa ne nuk kemi qenë në dijeni.
Thashethemet thonë se Marilyn Monroe, Elizabeth Taylor, madje edhe Kleopatra ishin fanse të trajtimit pa dhimbje, që premton të rritë shkëlqim dhe rinovimin e lëkurës suaj për ta mbajtur atë më të re për më gjatë. Sot ky është një trajtim që bëhet nga pothuajse të gjithë celebrities të “Hollywood”-it.
Detajet e trajtimit gjithashtu zbuluan arsyen pse meshkujt plaken më ngadalë se femrat. Intriguese?
Çfarë është “Dermaplaning”?
“Dermaplaning” është një formë e përtëritjes së lëkurës përmes përdorimit të një thike kirurgjikale si bisturi”, shpjegon mjeku i estetikës, David Jack.
Kjo mund të tingëllojë si diçka nga një film horror, por në thelb është diçka shumë e ngjashme me rruajtjen, e cila i hap rrugën produkteve të kujdesit të lëkurës që të funksionojnë në mënyrë më efektive dhe i jep çehres suaj një shkëlqim.
“Kjo metodë përfshin përdorimin e briskut për të hequr shtresat e sipërme të vdekura të lëkurës, në mënyrë që të dalin qelizat e shëndetshme të lëkurës që ndodhen poshtë dhe për të hequr qimet e imta në sipërfaqen e fytyrës”, thotë ai. Dhe përfitimet janë të dyfishta: “Lëkura juaj merr një rifreskim pasi ajo trajton problemet të lëkurës, si mungesën e shkëlqimit, si dhe ajo heq pushin e fytyrës”.
Sa zgjat seanca?
Jack shpjegon se seanca për të gjithë fytyrën dhe qafën mund ta zgjasë maksimumi 45 minuta për një trajtim të plotë. Ndërsa shpjegon se direkt pas saj mund të keni, “vetëm një skuqje të vogël, disa ditë më pas do ta keni të thatë dhe ndoshta rrjepje të vogël të lëkurës”.
Përfitimet e saj?
Ju do t’i shikoni përfitimet e trajtimit vetëm pas disa javës, kështu që Jack rekomandon që ta rezervoni trajtimin çdo 6 ose 12 javë. Mendojeni si një pastrim pranvere të lëkurës. Ndërsa trajtimi kushton 100 paundë.
A mund ta rruani vetë fytyrën?
“Makinat e rrojës së fytyrës do t’i heqin shtresat, por këndi dhe presioni i nevojshëm për “Dermaplaning” duhet të jetë më i saktë”, thotë Jack.
“Shikoni meshkujt në të 40-tat dhe më pas femrat në të njëjtën moshë, lëkura e meshkujve duket më e re sepse ata e rruajnë çdo ditë”, sqaron mjeku.
Burimi: Byrdie
