Reperi i njohur Kanye West, i cili edhe një herë e ka gjetur veten në qendër të një tjetër polemike këtë javë, zbuloi se dëshiron që Jamie Foxx ta luajë atë nëse do të realizohet një film i bazuar në jetën e tij.
Një nga postimet e shumta në Instagram të krijuesit të hitit “Jesus Walks” këtë javë përfshinte një postim ku ai pyeti 17.9 milionë ndjekësit e tij se cili duhet ta luanin atë në një “Ye Movie”.
Dyshja bashkëpunuan disa herë gjatë karrierës së tyre të shkëlqyer, ku kujtojmë këngën “Gold Digger” të vitit 2005.
Gjithashtu në vitin 2005, West ishte i ftuar në këngën e Foxx “Extravaganza”.
West vlerësoi Foxx si “një nga gjenitë më të mëdhenj” në industrinë e argëtimit. Foxx fitoi një Oscar dhe një çmim të Golden Globe në kategorinë e aktorit më të mirë për portretizimin e tij të Ray Charles në dramën “Ray”.
Në shfaqjen e së hënës mbrëma, Kanye West ndezi polemika në bluzën e tij të zezë me mëngë të gjata me shkrimin e saj, e cila konsiderohet një “slogan urrejtjeje” nga Liga Anti-Shpifje. Shkrimi “White lives matter”, mund të shihej në ekran të plotë ndërsa stilisti mbajti një fjalim gjatë hapjes së prezantimit.
Redaktorja e “Vouge”, Karefa-Johnson kritikoi këmishën “White Lives Matter” që West debutoi në shfaqjen e tij të modës Yeezy në Paris të hënën.
“Unë jam e acaruar … duke mbledhur mendimet e mia …,” shkroi ajo përmes InstaStory së bashku me një video nga shfaqja e modës Yeezy, duke e quajtur dizajnin e West “Sjellje të pambrojtur”. Ajo postoi gjithashtu pamje nga ekranet e mesazheve që kishte ndarë me miqtë që përmbanin shqetësimin e saj me veshjet e West.
Pas kësaj reperi, u tall me zgjedhjet e stilit të Karefa-Johnson për kritikimin e veshjeve të tij “White Lives Matter”.
