Ka pasur shumë momente që kanë bërë bujë në sagën e ndarjes së Gerard Pique-s dhe Shakirës, e cila u bë publike disa muaj më parë. Një ndër to ishte sigurisht, vajza që e tradhtonte prej vitesh, Clara Chia Marti e cila punonte prej kohësh në kompaninë e futbollistit “Kosmos”.
Kohët e fundit çifti më i ri, e zhvilluan romancën e tyre, larg Barcelonës duke udhëtuar drej Parisit. Dyshja u fotografuan shumë të afërt në një restorant në kryeqytetin francez, që më pas rezultoi që ishte i preferuari i Shakirës në Paris.
Por, nuk mbaron këtu! Së fundmi një faqe në Instagram e një fansi të këngëtares së “Te Felicito” ka nxjerrë zbuluar sërish mbrojtësin e Barcelonës.
Faqja në fjalë ka ndarë disa foto nga zyrat e kompanisë së Pique-s ku duken disa foto të Shakirës të vendosura në kornizë.
Në zyrë mund të shihni se ka ende foto të Shakirës, të cilat padyshim kishin kuptim në kohën kur dyshja ishin së bashku, por tani duhet të jenë “të çuditshme” për të dashurën e re të Pique-s.
Në fillim të qershorit, Shakira dhe Gerard – të cilët u lidhën në 2011 – konfirmuan së bashku ndarjen e tyre.
“Me keqardhje konfirmojmë se po ndahemi”, thanë ata në një deklaratë.
“Për mirëqenien e fëmijëve tanë, të cilët janë prioriteti ynë më i lartë, kërkojmë që të respektoni privatësinë e tyre. Faleminderit për mirëkuptimin.”
Këngëtarja dhe futbollisti janë prindër të dy djemve gjithashtu, Sashës dhe Milan.
