Këngëtarja shqiptare me famë botërore, Dua Lipa ka marrë sërish një vëmendje të madhe teksa ndodhej në fondacionin “Clooney for Justice” të krijuar nga Amal dhe George Clooney.
Jo vetëm kaq por Dua ka mbajtur edhe një fjalim, teksa ka prezantuar çmimin Justice for Survivors mikes së saj, Nadia Murad.
Kujtojmë që Amal Clooney ka bërë një punë të jashtëzakoshme teksa përfaqësoi mbi 100 të mbijetuar ndaj gjenocidit dhe mizorive të tjera masive.
“Unë kam mësuar përmes miqësisë sime dhe punës sime në fushatën time me Nadia Murad se sa e rëndësishme është të mbledhësh dëshmi nga të mbijetuarit e gjenocidit dhe ta bësh këtë në një mënyrë të ndjeshme. Është shumë e vështirë t’i kërkosh dikujt të rijetojë traumën e tij, por siç ka treguar Amal, të mbijetuarit kanë fuqi të madhe përmes dëshmisë së tyre në gjyqet kundër autorëve të mizorive masive”, theksoi si fillim këngëtarja.
“Ishte një privilegj të isha pjesë e kësaj nate me miq të vjetër dhe të rinj që u bashkuan për të nderuar këta mbrojtës të mëdhenj të demokracisë, të drejtave të barabarta, fjalës së lirë, të drejtave të grave, barazisë racore dhe drejtësisë për të mbijetuarit”, vijoi ylli me fame boterore Dua Lipa më pas.
