Jamie Dornan e urren palestrën, e dashuron jetën e martuar dhe nuk ka një mik të famshëm. Këto janë vetëm disa nga gjërat që nuk dinit për personazhin që luan rolin e Christian Grey te filmi më i përfolur i momentit “Fifty Shades of Grey”.
Të hysh në mendjen e një “psikopati” çdo ditë duhet të lejë gjurmë, por Dornan thotë se nuk ka asgjë më të mirë se sa të kesh dy fëmijë, që të nxjerrin jashtë nga ajo botë kur përfundon xhirimin.
“Fëmijët janë një mënyrë e shkëlqyer për t’u arratisur nga çdo gjë. Ti nuk ke asnjë zgjidhje përveçse të hysh në botën e tyre kur shkon në shtëpi”, thotë aktori.
Lidhur me dyshimet pas rolit të tij në film, ai zbulon se është jashtë “tregut”, ndërsa për statusin e marrëdhënies së tij shprehet: “Jam absolutisht i kënaqur”.
“Por njerëzit duan të dinë për familjen tënde gjithashtu. Kjo është një nga arsyet kryesore pse u largova nga mediat sociale. Ata thonë gjëra të tmerrshme për të dashurit e tu, që përhapen shumë shpejtë, por po, ideja e të qenit single më bën menjëherë të djersijë”, thotë Dornan.
Burimi: Marie Claire
