Çmenduri totale për Daddy Yankee! Ditën e djeshme (27 shtator) këngëtari i muzikës reggaeton ka mbajtur koncertin e tij të parë nga tre të planifikuarit, në stadiumin kombëtar të Santiagos. Teksa pritej që të krijohej një atmosferë e zjarrtë latine, gjithçka është kthyer në një kaos.
Rreth 4 mijë njerëz hynë me forcë në koncertin e tij, duke shkaktuar dëme të shumta. Ata shkatërruan barrierat, sulmuann stafin dhe makinat jashtë stadiumit kombëtar të Santiagos u dëmtuan, raportuan oficerët.
Dyert u hapën në orën 16:00 pasdite në mënyrë që fansat të hynin në ambientet e shfaqjes së shumëpritur që do të mbante portorikani. Në orën 20:00. artisti i ftuar Polimá Westcoast do të ngjitej në skenë, ndërsa Daddy Yankee do të performonte në orën 21:30.
Mirëpo nuk vonoi shumë dhe producenti përgjegjës i koncertit, Bizarro, njoftoi përmes rrjeteve sociale mbylljen e njërës prej hyrjeve për shkak të incidenteve.
🔴 #AHORA | Asistentes al primer concierto de Daddy Yankee en el Estadio Nacional ingresan a la fuerza al recinto
Más información en https://t.co/iZCe59QSjh
📻 https://t.co/FWQBRoduoG
📲 +56977727572 pic.twitter.com/Ec6dFcBltq— Radio ADN (@adnradiochile) September 27, 2022
“Fatkeqësisht jemi detyruar të mbyllim hyrjet në Av. Grecia, për faktin se personat që veprojnë në mënyrë të paligjshme kanë sulmuar persona nga ekipet tona të sigurisë, validimit të biletave dhe prodhimit”, thanë ata.
Është dashur ndërhyrja e autoriteteve për të ndalur turmën, të cilët hodhën ujë.
Videot në mediat sociale tregojnë pjesëmarrësit e koncertit duke vrapuar nëpër portat e sigurisë dhe duke u bashkuar me grupin që ndodhej brenda.
Daddy Yankee, një reper jashtëzakonisht i njohur nga Puerto Riko, doli në skenë, ku tha se do të performojë përsëri në stadium të mërkurën dhe të enjten mbrëma.
