Pasi u shpall fitues i “Big Brother Vip” Ilir Shqiri është komentuar jo pak në rrjet, për raportet me produksionin, pjesëmarrjet në spektakle të ndryshme, apo edhe miqësi me ish-banorët.
Së fundmi, balerini ishte i ftuar në një intervistë ku ka sqaruar shumë dyshime.
Teksa pritej që ai të ishte pjesë e “Dancing With the Stars”, Iliri prej një jave tashmë është në jurinë e “Dance With Me” në Klan.
Teksa janë aluduar arsyeje të shumta të këtij vendimi, vetë Iliri u shprehur në një postim në story se nuk kishte marrë një ftesë konkrete për të qenë pjesë (KLIKO).
Së fundmi ai ka sqaruar përsëri vendimin e tij duke thënë:
“U fol për shumë gjëra, aludime nga më të ndryshmet… sikur nuk doja, sikur nuk më donin. Fakti është ajo që shkruajta. Unë preferoj që t’i them gjërat vetë, mos t’i interpretojnë të tjerët, kam mundësi ta bëj këtë gjë dhe e kam bërë gjithmonë shumë shqeto siç the dhe ti… po abuzohej me lajmin sepse nuk është drejtë që të ketë trasnformime mendimi sepse unë nuk kisha dhënë asnjë lloj mendimi. Kështu që unë ndjeva ta sqaroja këtë gjë, është thjesht një moment kur njerëzit nuk flasin, nuk ka komunikimin dhe mos komunikimi të çon në atë që është mos përfundimi i gjërave”.
Është përfolur gjithashtu edhe raporti i tij me Klaudia Pepën, e cila është gjithashtu në jurinë e “DWM.” U tha se Iliri i ka zënë vendin Klaudias si kryetar jurie dhe anasjelltas, por balerini e ka sqaruar një herë e mirë të vërtetën.
“Unë e kam në kontratë që jam kryetar jurie ndryshe nuk do ta pranoja. E kam bërë 7 vjet atë rol, nuk mund të zbresësh në gradë, siç e drejta e çdo kujt. Ishte një gabim grafik e teknik”- tha Iliri në “Abc e Pasdites.”
Në lidhje me raportin e shumëpërfolur me Sabianin, Ilir vendosi pikat mbi “i”, duek thënë se ata nuk kanë më komunikim.
“Me Sabin nuk kemi raport, secili ka jetën e vetë, ndoshta kjo edhe përsa i përket edhe gjërave që u thanë dhe gjërave që u bënë. Nuk kemi kemi komunikim… ka çudi dhe ka një lloj keqardhje sepse u transmetua një mesazh miqësie shumë i lartë dhe me shumë vlera, por ama kur fillon dhe abuzohet në miqësi kjo pastaj nuk është më miqësi”
