Këngëtarja me famë botërore, Shakira, po kthehet fuqishëm në muzikë dhe shumë shpejt do të sjellë një bashkëpunim me këngëtarin Ozuna.
Dyshja po xhiron në Catalonia dhe qindra njerëz u mblodhën për të parë xhirimet nga afër. Sigurisht as paparacët nuk munguan, që kapën një moment delikat që ndodhi paralelisht me xhirimet.
Në incident u përfshi një gazetar kolumbian, i cili po arrestohej nga policia që ruante zonën në mes të qytetit. “Unë jam gazetar! Ndihmë! Po më godasin, Shakira!”, thirri ai përpara se njerëzit të filloni ta vinin re, përfshirë këngëtaren.
E shqetësuar, Shakira urdhëroi që të ndërpriteshin xhirimet e videoklipit dhe u mor personalisht me ngjarjen. Ajo kërkoi të dinte arsyen pse policia po e arrestonte gazetarin. Përveç kësaj, artistja siguroi se gazetari kolumbian i arrestuar njihej nga familja e saj.
Sigurisht që me reagimin e saj mori njëmijë bekimet e gazetarit, si dhe falenderimet e duartrokitjet e fansave për këtë gjest fisnik.
Së fundmi, këngëtarja ka folur për ndarjen e saj nga futbollisti Pique.
“Është vërtet e vështirë që të flas, veçanërisht pasi kjo është hera e parë që e trajtoj këtë çështje në një intervistë. Kam heshtur dhe thjesht jam përpjekur të përpunoj gjithçka. Është e vështirë të flasësh, sepse ende s’e kam kaluar, sepse jam në sy të publikut dhe se ndarja jonë nuk ishte e rregullt. Kështu ka qenë e vështirë jo vetëm për mua, por edhe për fëmijët e mi. Tepër e vështirë.”
“Unë jam përpjekur ta fsheh situatën para fëmijëve të mi. Mundohem ta bëj dhe t’i mbroj ata, sepse ky është misioni im i parë në jetë. Por më pas ata dëgjojnë gjëra në shkollë nga miqtë e tyre ose hasin në disa lajme të pakëndshme në internet, dhe kjo thjesht i lëndon ata”.
