Priti një jetë për të kaluar në krye të mbretërisë britanike, por mesa duket kjo “lumturi” nuk do të zgjasë shumë për monarkun aktual Charles III.
Një një kohë kur nuk ka kaluar akoma një javë nga mometi kur Mbreti trashëgoi detyrën pas vdekjes së nënës së tij, Mbretëreshës Elizabeth II, thirrjet që ai duhet të abdikojë fronin sa më shpejt të jetë e mundur kanë marrë “dhenë” në Britaninë e Madhe.
Mesa duket, populli britanik e sheh si një opsion më të mirë, drejtimin e mbretërisë nga Princi aktual i Uellsit, William.
Këtyre thirrjeve të qytetarëve anglez iu ka bërë jehonë edhe editori pranë “The Atlantic” Conor Friedersdorf, i cili ndër të tjera shprehet se mosha kur Charles III, trashëgoi detyrën në fakt është mosha kur shumë paraardhës të tij janë ndarë nga jeta.
“Një përdorim më konsekuent i mbretërimit të Charles do të ishte të sundonte shkurtimisht dhe të abdikonte në moshën 75 vjeçare. Mbreti Charles III duhet të lëshojë një deklaratë mbretërore duke nënvizuar se kjo qasje është një qortim mbretëror ndaj prirjes ndërkombëtare drejt gerontokracisë, ku udhëheqësit vonojnë dorëzimin e pushtetit tek brezi i ardhshëm për shumë kohë që i shërben të mirës publike,”-shprehet Friedersdorf.
“Mbretëresha Elizabeth II që mbretëronte në moshën 96-vjeçare ishte shumë larg normës për monarkët britanikë. Në të vërtetë, Charles III po merr fronin në një moshë kur shumica e paraardhësve të tij kishin vdekur.
Nëse ai vazhdon të sundojë aq gjatë sa ta vendosë Princin William në të njëjtin pozicion, historia mund ta kujtojë këtë si epokën kur jetëgjatësia e ditëve të sotme transformoi monarkinë britanike – por jo për mirë.
Më mirë që Charles të angazhohet tani për një moshë pensioni, duke dhënë një shembull për botën dhe duke na lejuar të gjithëve të deklarojmë, “Mbretëresha ka vdekur – rroftë Mbreti” pa miratuar gjithashtu edhe shumë vite të tjera gerontokraci,”-përfundoi ai.
Sakaq nuk ka pasur asnjë tregues nga Mbreti se ai po mendon të heqë dorë nga posti i tij i ri mbretëror në favor të djalit të tij.
Kujtojmë që pas vdekjes së Mbretëreshës trashëgimia e fronit do të vijojë tek Princi William, fëmijët e tij dhe më pas Princ Harry.
