Dashi
Distancimi për pak kohë me një person të afërt, ju ka ndihmuar që të reflektoni më mirë në lidhje me të. Jeni të rrethuar nga shumë persona të dashur, por ndjeheni dhe pak të mërzitur pasi ju mungon ai personi i veçantë. Telefonojini, sepse me siguri dhe ai/ajo do të jetë shumë i lumtur që të flasë me ju.
Demi
Sot mund ta gjeni veten të zënë me punë dhe kjo do t’ju sjellë të ardhura monetare, por jo aq sa mendonit. Nëse dëshironi të nisni në projekt të ri dhe s’keni fonde të mjaftueshme, mos ngurroni të kërkoni ndihmë financiare nga personat përreth jush.
Binjakët
Planet për të kaluar kohë me miqtë tuaj të ngushtë mund të anulohen dhe kjo do t’ju mërzisë paksa, veçanërisht nëse në atë grup përfshihet dhe partneri juaj. Mundohuni ta shfrytëzoni këtë kohë për t’u relaksuar dhe për t’u përqendruar tek vetja.
Gaforrja
Ju jeni vazhdimisht në kërkim të gjërave të reja dhe sapo iu kap syrin ndonjë interes i ri, menjëherë filloni të kërkoni informacione rreth tij. Kjo është një gjë shumë e mirë, pasi iu ndihmon që të zhvilloheni nga ana intelektuale. Vazhdoni kështu çdo ditë.
Luani
Sot mund të ndjeheni pak dembelë dhe do të dëshironit që të qëndronit në shtëpi të rrethuar nga librat, por e dini se keni takime të rëndësishme për të bërë dhe përgjegjësi për të përmbushur. Ndjenja juaj e detyrës është e fortë, kështu që mbarojini shpejt detyrat tuaja dhe pastaj relaksohuni.
Virgjëresha
Sot do të ndjeheni të çoroditur nga disa ëndrra gjatë natës. Shqetësimet e ditës, do ju shprehen në ëndrrat që shihni, por mos u shqetësoni më shumë seç duhet pasi çdo gjë do të rregullohet. Merrini gjërat lehtë me pozitivitet.
Peshorja
Sot mund të keni plane për të kaluar kohën me miqtë, por mund të keni disa pengesa të vogla gjatë ditës. Kjo nuk do t’ju pengojë që të kaloni një ditë të këndshme në shoqërinë e tyre. Sot është një ditë e mirë dhe për të nisur disa projekte të reja.
Akrepi
Sot do të zbuloni një interes të ri tuajin dhe do përpiqeni të mblidhni sa më shumë informacion rreth tij. Këmbëngulja dhe vullneti juaj bën që çdo gjë që nisni ta çoni deri në fund. Ndonjëherë i shkaktoni vetes lodhje të tepërt duke u munduar të bëni disa gjëra njëkohësisht.
Shigjetari
Disa kujtime do t’ju kthehen sot dhe do të ndjeni dëshirën të komunikoni me disa miq të vjetër. Disa prej këtyre kujtimeve nuk do të jenë të bukura, duke iu risjellë dhimbjet e përjetuara kohë më parë. Mos u përqendroni tek ato, por mundohuni t’i largoni njëherë e përgjithmonë nga mendja juaj.
Bricjapi
Sot do ta gjeni veten të tërhequr pas astrologjisë, alkimisë. Ju pëlqen ta mendoni veten si realist dhe me këmbë në tokë, por sot mund të dilni pak nga e zakonshmja. Largohuni më shpesh nga rutina sepse iu jep mundësi të njihni më mirë veten.
Ujori
Puna juaj e palodhur, më në fund do t’iu shpërblehet. Ka shumë gjasa që të keni një ngritje në detyrë. Ambicia dhe vullneti juaj kanë qenë shtysa për të ecur përpara dhe për t’u rënë në sy eprorëve tuaj. Vazhdoni kështu, pasi jeni në rrugën e duhur.
Peshqit
Sot do të përfshiheni në disa aktivitete shoqërore, të cilat do t’iu ndihmojnë të njihni njerëz të rinj, ose të njihni më mirë miqtë tuaj. Pavarësisht se janë tepër argëtuese, ndonjëherë mund t’ju marrin shumë kohë dhe e ndjeni nevojën për të qëndruar vetëm.
