Moderatorja e njohur, Oriela Nebiaj dihet që tashmë është prezantuesja e sezonit të katërt të “Për’puthen”.
Moderatorja e nisi puntatën e parë duke thënë se është e “dashuruar”.
Por nuk e la me kaq.
Ajo tha se “është e dashuruar me faktin që këtu në këtë studio do të jem kupidi i ndjenjave, emocioneve, dashurisë”.
Sigurisht që Arjan Konomi nuk mund të mungonte si opinionist por prurje e re është Neda Balluku.
Më herët, moderatorja e njohur Ori Nebiaj zbuloi në një intervistë se “Wake Up” dhe “Pushime On Top” janë dashuritë e saj më të mëdha që ka në Top Channel.
“Wake Up dhe Pushime On Top janë dashuritë e mëdha që kam në Top Channel por në këtë sezon kulmoi produksioni që u realizua për 20 vjetorin, Endërrtjerrësit. Një emision nostalgjik dhe shumë emocionues ku të gjithë kujtuam dashurinë dhe lidhjen e ngushtë 20 vjeçare që kemi pasur me ekranin më të dashur të shqiptarëve nga dita e parë e transmetimit Live e deri më sot. Për mua të isha mikpritja në shtëpinë prej xhami ku të gjithë Ënderrtjerrësit kujtuan dhe treguan sfidat e tyre në 20 vite ishte absolutisht privilegj dhe krenari. U ndjeva e nderuar”, ka thënë më herët moderatorja.
