Në një shkollë të Komunës së Suharekës, Remzie Lezit, e cila ushtronte profesionin e mësueses së matematikës i është hequr e drejta për ta ushtruar profesionin, për shkak të mbajtjes së shamisë.
Të menjëhershme kanë qenë reagimet, duke nisur nga qytetarët e deri te personazhet e njohur të ekranit. Një reagim ka ardhur edhe nga Fifi, e cila me anë të një postimi në InstaStory thotë se secili ka drejtë të vishet ashtu siç do.
Ajo ka shtuat se Këshillit të Shkollës duhet t`i vijë turp për vendimin, pasi veshja është një zgjedhje individuale.
“Pse nuk bën kjo me shami me dhënë mësim në shkollë? A ka vlera me pak se një tjetër mësueses? Apo është e paditur? Apo i trajton studentët ndryshe? Secili ka të drejtë të vishet si të dojë. Është zgjedhje individuale/ Me qenë me shami nuk bën. Me qenë me këmishë nuk bën. Të shkosh me xhinse nuk bën. Po më vjen marre e ndërsa juve Këshillit të kësaj shkolle kam një fjalë..Turp”, ka shkruar e revoltuar Fifi.
Kujtojmë se Fifi ishte organizatorja e protestës së mbajtur në Sheshin Nënë Tereza për të miturën e dhunuar në Kosovë. Gjatë protestës Fifi debatoi me njërën nga protestueset.
Protestuesja ishte duke folur për ngjarjen makabër, duke falenderuar si organizatore të tubimit Zhaklina Lakatarin dhe Xhenin Karain. Ky ka qenë momenti ku Fifi ka debatuar me tone të larta me të.
“Faleminderit të gjithë ata që kanë dalë sot këtu, do doja të ishin shumë më shumë. Faleminderi Zhaklin për gjithçka bën, faleminderit Xhen për gjithçka bën. Faleminderit edhe ju që jeni personazhe të dukshëm shumë më lehtë se shumë të tjerë dhe sot keni gjetur kohën për të ardhur këtu.”- ka thënë aktivistja, ndërsa Fifi i ka “treguar vendin” duke i thënë se ishte ajo që e organizoi protestën.
“Jo jo, unë nuk kam ardhur. Unë e kam organizuar këtë gjë sot këtu.”
