Dafina Zeqiri ka qenë ndër të parat që ka reaguar për ngjarjen e rëndë që i ndodhi 11-vjeçares në Kosovë, e cila u mbajt prej 7 orësh nga disa persona.E mitura u abuzua nga 5 burra.
Ngjarja e rëndë ndodhi më 27 gusht, nga ora 17:30 deri në 00:30. Dafina bashkë me ekipin e saj “Moneyz” ishin pjesë e protestës që u organizua në Kosovë.
Mirëpo si duket sjellja e organizatorëve të protestës ndaj këngëtares ka lënë për të dëshiruar.
Revoltimin ndaj organizatorëve Dafina e ka treguar në disa komente në Instagram. Dafina ka treguar se ajo dhe ekipi i saj u ‘diskriminuan’ nga organizatorët të cilët nuk i kanë lënë të dukeshin në protestën në Prishtinë.
“Ndërsa “organizatorët” e kësaj organizate që ne e suportuam dhe u munduam t’i ndihmonim që ta mbledhin sa më shumë njerëz në protest për të drejtat e femrave, na diskriminuan në protest duke na bërtitur që nuk kemi të drejtë të shihemi në protest! Skemi të drejtë të afrohemi dhe duke na bllokuar me njerëzit e tyre.
Një organizat serioze është për të gjithë popullin për të na bashkuar për të luftuar për të drejtat tona, për të drejtat e njeriut! Për të drejtat e asaj vajze! Për atë arsye jemi mbledhur të gjithë!
Ishin plot vajza afër nesh që nuk e kuptuan përse po bënin një sjellje të tillë ndaj nesh. Na bëhët qëjfi që pamë shumë njerëz në këtë protest! Protestat janë për të na bashkuar dhe jo për të na ndarë!”– ka shkruar Dafina.
