Elgit Doda uVëllezërit Veshaj festojnë sot 27-vjetorin e lindjes. Në këtë ditë nuk ka munguar urimi i mikut të tyre më të mirë. Pak pas mesnate Elgit Doda ka postuar një foto me Romeon dhe Donaldin duke ju dedikuar dhe disa fjalë.
“Kështu do të qeshim dhe kur të jemi 80-vjeç. Gëzuar ditëlindjen djemtë e mi”, ka shkruar kantautori krahas fotos.
Kujtojmë që përvec miqësisë, Elgiti dhe dyshja kanë sjellë dhe bashkëpunime së bashku. “Picasso” ishte bashkëpunimi i treshes, që bëri me të vërtetë bujë.
Më herët, Elgiti mbështeti Donaldin gjatë pjesëmarrjes së tij në “Big Brother VIP Albania”.
Në “Wake Up”, këngëtari shpjegoi asokohe edhe fjalët që i pëshpëriti Donaldit.
Ai shtoi se nuk i ka thënë në asnjë moment aktorit “ke dalë keq”, thjesht “I love you I love you, jepi forca”.
“Për fatin e mirë, jam në panel sot. E meriton fitoren. Realisht ai djalë aty ka shfaqur të gjithë dimensionet e veta, është shtrydhur deri në pikën e fundit. Sa lajme janë bërë për atë, të mbledhësh të gjithë bashkë ata, nuk janë bërë. Unë hyra për Donaldin, por i këndova dhe Monikës. Unë e kam thënë që produksioni kur unë kam folur dhe është aluduar se i kam thënë diçka, është thënë vetëm “I love you I love you, jepi forca” dhe si ka dalë aty “ke dalë keq”, s’ka lidhje. Unë i pashë të gjithë, është tjetër kur i shikon dhe tjetër kur i takon. Është presion i fortë psikologjik.”
