Dea Mishel ka bërë një lëvizje të gabuar me postimin e saj të fundit. Një video të postuar në TikTok nga blogerja, emri i plotë i të cilës është Dea Mishel Hoxha ka ngjallur një mori reagimesh dhe kritikash nga fansat dhe ndjekësit e saj.
Në videon e postuar blogerja është përpjekur të bëjë një batutë për fëmijët jetimë duke thënë: “Fëmijët jetimë kur u kërkohet të vizatojnë shtëpi, vizatojnë një shtëpi normale apo një institucion.”
Kjo “batutë” nuk ka rezultuar si e tillë, pasi ndjekësit e kanë konsideruar si një cënim ndaj fëmijëve jetimë të cilët nuk e kanë një strehë familjare por detyrohen të qëndrojnë në institucione.
Edhe pse gjatë realizimit të videos, Mishel e prek vetë fenomenin duke thënë se nuk duhet të bëjë shaka me këtë pjesë, kjo nuk e ka ndaluar blogeren ta publikojë videon. Dea ka shtuar disa herë se e kupton që po prek një tematikë të ndjeshme, po si duket nuk ka pritur këto reagime nga ndjekësit.
Blogerja ka reflektuar duke e fshirë postimin pas kryqëzimit nga ana e ndjekësve. Por si duket reflektimi nuk erdhi në kohë pasi ndjekësit e kanë shpërndarë kudo në mediat sociale.
Gjithkujt mund ti lejohet të postojë në mediat sociale, por a duhet të ketë një limit të “humorit të zi” dhe çdo lloj opinioni, sidomos kur ky i fundit prek drejt për drejt tematika kaq delikate?
