Këngëtarja e njohur, Taylor Swift është gjithnjë në qendër të vëmendjes. Së fundmi, ndaj saj është ngritur një tjetër padi.
Ajo akuzohet për plagjiaturë për albumin e saj të vitit 2019, “Lover”.
Çfarë ndodhi?
Autorja Teresa La Dart ka ngritur një padi kundër Swift.
Ajo ka thënë se Taylor ka kopjuar librin me poezi të saj të vitit 2010, ‘Lover’.
Më herët, vëmendja tek këngëtarja Taylor Swift nuk ka qenë as për projektet e reja, as për ndonjë album, as për ish-partnerët apo romancat e reja.
Ylli i muzikës pop u “nderua” me një titull të çuditshëm, që ka të bëjë me ndotjen e ajrit.
Megjithëse ka folur shpesh për dashurinë e saj për mjedisin, Swift nuk ia ka kursyer atij ndotjen duke përdorur avion privat. Ndaj është kurorëzuar me ‘titullin’ “Artistja që ndot më shumë”.
Kompania Yard ka bërë një tabelë të quajtur “10 prodhuesit “më të mirë” të CO2 mes personazheve të famshëm”, ku kanë përcaktuar se cilët janë artistët që kanë prodhuar më shumë CO2 (dioksid karboni) për shkak të udhëtimeve të tyre me avion privat.
Raporti zbuloi se këngëtarja Taylor Swift është e famshmja që ka ndotur më shumë ajrin vitin e fundit. Këngëtarja ka bërë 170 udhëtime që nga janari, që barazohet me gati 16 ditë të plota në ajër.
Emetimet nga fluturimet e saj kanë arritur në 8,293.54 ton CO2. Yard vëren se kjo shifër është “1,184.8 herë më shumë se emetimet vjetore të një personi mesatar”.
Kompania gjithashtu theksoi se fluturimi më i shkurtër i Swift ishte vetëm 36 minuta, diçka që mund të ishte shmangur.
Ndërkohë, ende s’dimë ç’ka Swift për të thënë për këtë.
