Aktori i njohur i humorit, Olsi Bylyku, e përdor platformën e tij në rrjete sociale për të ndarë jo vetëm punën, por edhe momente të ndryshme të përditshmërisë së tij.
Si gëzimet, ashtu edhe hidhërimet, aktori i ndan me ndjekësit e tij më besnikë, siç ka bërë edhe sot.
Një person shumë i dashur për të, gjyshja, është ndarë nga jeta ndërsa Olsi ka shprehur nëpërmjet një statusi pikëllimin e tij.
“Veç gëzim na dhe o Ije, kurrë në jetë nuk të harrojmë! Qofsh e xhenetit dhe tani gëzoji ëngjëjt siç na gëzoje ne me çdo batutë tënden”- ka shkruar ai.
Prej kohësh, Olsi është në një marrëdhënie dashurie me Egli Takon dhe as këtë pjesë të jetës së tij s’ka ngurruar ta ndajë në rrjete sociale.
Egli jeton prej kohësh me aktorin dhe prindërit e tij, ndërsa ka folur edhe për bashkëjetesën e tyre.
“Si ia del të bashkëjetosh me prindërit e Olsit? Po të mbash marrëdhënien me të. Të lutem cili është sekreti. Ke durim ti?- e ka pyetur ndjekësi.
“Unë nuk shquhem për natyrën e duruar, jam impulsive në shumicën e rasteve. Duke ditur çdokush pozicionin përkatës, nuk ka marrëdhënie që nuk funksionon,”-i është përgigjur Egli.
