“Gangnam Style” mori famë vetëm brenda pak ditësh për stilin e tij të veçantë dhe argëtues. Por e gjitha nisi si një shaka duke u kthyer më pas si një nga këngët më të dëgjuara.
Ndërsa tashmë ka nisur kudo në botë mania e këngës së quajtur “PAPP”. Mund të duket e çuditshme ose pa kuptim, por kjo këngë 1-minutëshe po thyen internetin.
Stilolaps-Ananas-Mollë-stilolaps ose siç titullohet në anglisht Pen-Pineapple-Apple-Pen, kjo këngë arriti të marrë 4.5 milionë shikime në “You Tube” dhe po përhapet me shumë shpejtësi në gjithë botën. Video e PAPP shfaq një burrë japonez i veshur me një kostum ekstravagant me dizajnë të lëkurës së gjarprit dhe një shall me dizajnë leopardi.
Ajo që tërheq më shumë vëmendjen janë gjestet e tij, kur këngëtari bën në mënyrë imagjinare sikur i ndodhet në duar një stilolaps, mollë apo një ananas.
Ashtu si “Gangnam style”, rimet e kësaj kënge fiksohen lehtë dhe mund të kërcehen nga të gjithë. Që tashmë ka nisur një valë e njerëzve që kopjojnë videoklipin e këngës, për t’i postuar më pas videot në rrjetet sociale.
