Reperi shqiptar, Fero ra në prangat e policisë pas publikimit të një videoje ku shihej qartazi teksa dhunonte një person brenda makinës. Pas pamjeve të bëra virale, ndaj reperit u ngrit akuza e veprës penale “Sulm”.
Fero u lirua ditën e djeshme nga paraburgimi.
Lajmi është bërë i ditur nga vetë avokati i reperit. Në një deklaratën për “Telegrafi’ ai tha se ditën e sotme është pranuar aktvendimi nga Gjykata Themelore e Gjilanit, ku është ndërprerë masa e paraburgimit për Feron.
“Sot kemi pranuar aktvendimin nga Gjykata Themelore e Gjilanit, ku klientit tim i është ndërprerë masa e paraburgimit”, ka thënë Shaqiri.
Çfarë bëri reperi menjëherë pasi u lirua? Postoi një InstaStory me familjen e tij, Arbenitën dhe të bijën, Ninën.
Madje, bëri edhe një video përshëndetëse.
Edhe pse kanë arritur një konsensus, Gjykata e Gjilkanit pritet t’i japë një dënim Feros, i cili ende nuk është vendosur.
“Po, dënim do të ketë, ne po e presim vendimin final ku do të na kumtohet se me çfarë dënimi do të pasojë vepra e kryer nga klienti”, përfundoi avokati.
Shaqiri tha se ka pasur një pajtim mes palëve.
“Kjo vjen në sajë të pranimit të fajësisë nga i pandehuri. Siç e dimë të gjithë ngjarja e shkaktuar ka qenë falë një provokimi, jo vetëm me muzikë por edhe me gjeste që ka çuar deri edhe në agresivitetin e situatës. Dy palët janë pajtuar, Fero është shprehur i penduar për atë që ka bërë dhe kështu kanë arritur në një dakoordësi dhe janë pajtuar”
