Tayna dhe Butrint Imeri janë dy ndër këngëtarët më në zë të momentit. Ata kanë publikuar një bashkëpunim së bashku me Mozzik që ka marrë miliona klikime në Youtube.
Mirëpo së fundmi Tayna dhe Butrint kanë qenë së bashku në të njëjtin koncert.
Një e papritur ka ndodhur në skenë, ku Tayna ka ndërprerë koncertin. Ajo ka thënë se i ka bërë një dhuratë mikut të tij, Butrintit.
Ajo thekson se i ka blerë një palë syze pasi ia kishte thyer në një prej koncerteve në Zvicër.
“Veç pak se kam një surprizë për Butrintin. Pasi ia kam thyer syzet në një festival në Zvicër ia kam blerë një palë tjetër”, thotë ajo.
“Tayna faleminderit, e kujdesshme je”, ka shkruar Butrinti teksa ka publikuar videon.
Sa i takon reperes, ajo u kap ‘mat’ me një djalë së fundmi, ku dyshohet se është i dashuri i saj.
Më herët, gjatë intervistave Tayna është deklaruar single.
Në rubrikën “50 pyetjet” e emisionit Prive, reperja ka rrëfyer se vitin e kaluar ka pasur probleme shëndetësore, mirëpo shtoi se nuk ka pasur ndonjë ngjarje të keqe për fat të mirë.
“Fatmirësisht nuk është se kam pasur ndonjë ngjarje të keqe, kam qenë shumë me fat gjithmonë, por pika më e ulët ishte vitin e kaluar sepse kam pasur probleme personale shëndetësore”, theksoi Tayna.
