Aktorja Hajat Toçilla, ka ndarë me ndjekësit e saj një situatë traumatike që i ka ndodhur gjatë ditës së sotme (13 gusht). Aktorja ka ngecur brenda një ashensori në qytetin e Prizrenit.
Aktorja me anë të një postimi në Facebook, ka thënë se policia dhe zjarrfikësit e KEDS kanë refuzuar ta ndihmojnë atë të dalë nga ashensori.
Hajat thotë se ka mbetur brenda në ashensor më shumë se 30 minuta, deri në momentin që familjarët e saj e kanë kërcënuar përgjegjësin e ashensorit i cili më pas ka hapur ashensorin, sipas burimeve nga ‘Gazeta Express’.
“Sot në Prizren e kuptova sa e pambrojtur jam prej shtetit! Policia e Kosoves, zjarrfikesit, KEDSi refuzuan të më ndihmojnë të dal prej ashensorit ku mbeta rreth 30minuta (mos më shumë) shkaku i ndërprerjes së rrymës elektrike.
Në ashensor nuk kishte numër të ndonjë servisi për këto raste, policia refuzoi të më ndihmojë duke me drejtuar tek përgjegjësi i ashensorit, zjarrfikësit nuk e dinin as ku është ambullanta në qendër, KEDSi na tha të presim deri në ora 14:00/15:00 qe i binte 3-4 orë, e pergjëgjsi i liftit e mohonte pergjëgjsinë e tij, deri sa u kërcënua prej familjareve (që per fat i kisha aty) se do të lajmerohej në polici, në atë moment llampa e Aladinit ja shpiku celsin. Urime liberalizimi i vizave”, ka shkruar aktorja në postimin e saj në Facebook.
