Tashmë thuajse cdo gjë është gati për koncertin “Alpha Show”.
Madje,Noizy shpesh na përditëson me më të rejat e fundit lidhur me shfaqjen që do të organizojë.
Së fundmi, ai ka publikuar një video teksa performon gjate provave me orkestrën.
Kjo performancë e tij ishte ndryshe nga herët e tjera, ku ai këndon këngën e tij “A të kujtohet”.
“Prova”- shkruan Noizy krah videos.
Janë të pakta intervistat ku Noizy flet për jetën e tij private, por tek kjo e fundit na i ka zbuluar një kuriozitet. Ai ende nuk e ka gjetur personin e jetës, duke e kthyer beqarinë e tij në temë bisede gjatë çdo interviste.
Gjatë intervistës së tij me moderatorin Labinot Gashi, Noizy nuk i ka shpëtuar pa u pyetur rreth jetës së tij personale.
“Të gjithë u martuan, po ti?”– ka qenë pyetja që Labinoti i drejtoi reperit duke i përmendur dhe disa kolegë të tij që i kanë dhënë fund beqarisë.
“Po ma bëni xhind, kudo shkoj më thonë këtë. Për momentin nuk ka, me sa po shoh paskam ngelur mbrapa. Më duket vetja i pazot, s’jam i zoti. I kam bërë të gjitha në rregull vetëm për këtë s’po bëj taman”– tha reperi me shaka.
Noizy njihet si nga beqarët më të kërkuar, por si duket dita e martesës për të është akoma larg.
Kujtojmë se gjatë një interviste reperi deklaroi se është i fokusuar te muzika dhe nuk ka plane të afërta për të krijuar familje.
“Nuk kam plane për momentin për familje. Është e largët si ditë. Nuk e planifikoj dot. Nuk i dihet kurrë, por nuk bëj dot plane. Jam i fokusuar te muzika dhe puna për momentin. E kam tepruar me xhelozinë dhe më bezdis te femrat kur gënjejnë”– u shpreh Noizy.
