Kevin Federline, babai i dy djemve të Britney postoi video në Instagram të mërkurën mbrëma, ku shfaqej këngëtarja duke u bërtitur dy djemve të tyre, të cilët në atë kohë ishin 11 dhe 12 vjeç.
Spears, kohët e fundit është mbrojtur nga akuzat e Federline i cili pretendon se ajo është një nënë e keqe për postimin e imazheve nudo të saj në mediat sociale.
Në një postim që u fshi më pas, shfaqet Spears e cila i quan djemtë e saj “të urryer”, për arsyen se shkonin direkt në dhomat e tyre kur e vizitojnë atë. Ajo shton se e kupton që adoleshentët janë të tillë, por që e gjitha shkon në një nivel tjetër me fëmijët e saj.
Menjëherë pas kësaj, Federline ndau videot në IG, duke përdorur hashtagun e Depp gjatë gjyqit të tij kundër Amber Heard, #NeverFearTruth.
“Nuk mund të rri duarkryq dhe të lejoj që djemtë e mi të akuzohen në këtë mënyrë pas asaj që kanë kaluar”, shkroi Federline.
“Aq sa na dhemb, ne si familje vendosëm të postonim këto video që djemtë i bënë kur ishin 11 dhe 12 vjeç. Kjo nuk është as më e keqja. Gënjeshtrat duhet të ndalen. Shpresoj që fëmijët tanë të rriten për të qenë më të mirë se kaq. #Mos u frikësoni nga e vërteta”, tha ai.
