Elvana Gjata ka qenë një ndër këngëtaret që performoi në “Sunny Hill Festival” dhe performanca e saj mori shumë vëmendje.
Së fundmi, ajo ka shpenzuar pak kohë me këngëtaren me famë botërore, Dua Lipën dhe familjen e saj.
Jo vetëm kaq por Elvana ka postuar edhe foto me Duan.
Ajo shkruan se kaloi një kohë shumë të mirë me Duan dhe me familjen e saj. Gjithashtu, Elvana komplimentoi Duan duke shkruar: “Një artiste e vërtetë, një shpirt i bukur brenda dhe jashtë”
“Kalova një kohë kaq të shkëlqyer me ju, Dua Lipa dhe familjen tuaj të mrekullueshme. Një artiste e vërtetë, një shpirt i bukur brenda dhe jashtë, ndërsa vazhdon të jesh kaq modeste! Të gjithë jemi krenarë për karrierën tënde dhe për gjithçka që ke bërë për festivalin, për Kosovën dhe shqiptarët në mbarë botën. Shumë dashuri.”, shkruan Elvana.
Sa i takon “Sunny Hill Festival”, do të mbahet edhe në Tiranë.
Tashmë është bërë me dije emri i artistit të parë që do të performojë në “Sunny Hill Festival” në Tiranë.
Pikërisht Fedez.
Lajmi është bërë me dije nga faqja zyrtare e ‘Sunny Hill’ në Instagram ku shkruhet: “Sunny Hill Festival Tirana do jetë gjigant me reperin ikonik italian @FEDEZ për një shfaqje plot karizëm dhe stil”.
