Në një video 5-minutëshe Will Smith ka thyer heshtjen e tij për shuplakën e cila u bë e famshme në mbarë botën, në të cilën ai goditi prezantuesin e “Oscar”, Chris Rock
Në video, ai shpreh keqardhje për shuplakën e Oscars.
Aktori 53-vjeçar shkaktoi polemika në ceremoninë e këtij viti pasi goditi Chris Rock në skenë pas një shakaje për gruan e tij, Jada Pinkett-Smith, dhe pamjen e saj. Smith dha një deklaratë në Instagram për të kërkuar falje, por që atëherë ka heshtur.
Videoja e ngarkuar në kanalin e tij në “YouTube” dhe në faqen e “Instagram”, tregon Smithin i cili i përgjigjet pyetjeve që kanë qarkulluar që atëherë, duke filluar nga arsyeja pse ai nuk i kërkoi falje Rock-ut në fjalimin e tij të pranimit.
“Është e gjitha e turbullt. Unë kam kontaktuar me Chris dhe mesazhi që u kthye është se ai nuk ndihet gati të flasë dhe kur të jetë, do sqarohemi. Chris, të kërkoj falje. Sjellja ime ishte e papranueshme, unë do të jem këtu në momentin që je gati për të folur.”
Më pas ai shfrytëzon rastin për t’i kërkuar falje nënës së Rokut. “Ishte një nga gjërat që nuk e kuptova në atë moment, thjesht nuk e kuptova, nuk po e mendoja se sa njerëz u lënduan në atë moment,” tha ai.
Ai më pas shtoi se dëmtimi i miqësisë së tij me vëllain e Rock-ut, Tonin, është “ndoshta i pariparueshëm”.
Will sqaroi se gruaja e tij, Jada Pinkett Smith, nuk i tha të bënte diçka të tillë.
“Është sikur, kam bërë një zgjedhje vetë nga përvojat e mia, nga historia ime me Chris-in,” tha ai. “Jada nuk kishte asnjë lidhje me të.”
Më pas ai i kërkoi falje asaj dhe familjes së tij për problemet që u solli të gjithëve.
“Më thyhet vërtet zemra që kam vjedhur dhe njollosur momentin tuaj” u thotë ai të nominuarve dhe fituesve të tjerë atë natë. “Falja me të vërtetë nuk është e mjaftueshme.”
“Të zhgënjej njerëzit është trauma ime më e madhe. E urrej kur i zhgënjej njerëzit”, tha ai.
“Kështu që dhemb. Më lëndon psikologjikisht dhe emocionalisht të di se nuk jam në përputhje me imazhin dhe përshtypjen e njerëzve për mua. Jam thellësisht i penduar dhe po përpiqem të jem i penduar pa pasur turp nga vetja. Unë jam njeri. Kam bërë një gabim dhe po përpiqem të mos e ndëshkoj veten,” tha Smith.
