28 – 30 Shtator
PANAIRI WORK & STUDY 2016
Në datat 28-29-30 Shtator 2016, në Pallatin e Kongreseve, Tiranë
Dhoma e Tregtisë dhe Industrisë Tiranë, Ministria e Arsimit dhe Sporteve, Bashkia e Tiranë, si tre partnere të qëndrueshme në fushën e arsimit dhe punësimit, Ju ftojnë të merrni pjesë në të vetmin eveniment i cili shpalos ofertën më të mirë të punësimit dhe studimit.
WORK & STUDY një markë e kthyer në traditë, është një rrugë e nisur në vitin 2010, e ku vit pas viti ka përmirësuar treguesit e saj në drejtim të të punësuarve dhe bursave profesionale të studimit. E nisur si një dëshirë për të sjellë ndryshimin në përshtatjen e kërkesës me ofertën, tashmë është kthyer në një institucion dhe domosdoshmëri për përshtatjen e burimeve njerëzore. Çdo vit në mënyrë progresive janë rritur kërkesat e kompanive dhe cilësia e punëdhënies. Ky event solli në vitin e parë të nisjes së tij 500 vende të reja pune e 400 bursa studimi, e në vitin 2015 shifrat u trefishuan, duke pasur një numër më të madh sipërmarrësish dhe më shumë se 1 500 vende pune.
Ftohen të marrin pjesë të gjithë ata:
1- Që kërkojnë të punësojnë njerëz në profesione që mungojnë sot në treg, si hidraulik, elektricist, automekanik, rrobaqepës, parukierë, estetistë apo guida tours etj.
2- Punëdhënësit e interesuar për të patur mundësinë e rekrutimit të punonjësve të kualifikuar në sajë të ofertës më të mirë referuar nga universitetet tona.
3- Punëmarrësit e interesuar për të marrë informacion rreth vendeve të reja të punës dhe të njihen me tregun e punës.
4- Institucionet Arsimore për të ekspozuar ofertat e tyre më të mira.
5- Organizatat dhe Entet që ndihmojnë në krijimin dhe mbarëvajtjen e kompanive në Shqipëri.
6- Të sapodiplomuarit e arsimit profesional do t’ju ofrohet intership një muaj në kompanitë pjesëmarrëse etj.
Duke e vlerësuar këtë event si një pikë ku sipërmarrja takohet me kërkesën për punë, ku universitetet kanë mundësi të shpalosin ofertat e tyre për të përshtatur kërkesën
e tregut me formimin profesional, Ju ftojmë të bëheni pjesë e tij.
29 Shtator
DITA KOMBËTARE E TRASHËGIMISË KULTURORE
KONCERT, Sheshi Nënë Tereza, (E enjte) 11:00 – 14:00
29 shtatori është Dita Kombëtare e Trashëgimisë Kulturore, me këtë rast QKVF organizon defile (paradë) të ansambleve nga qytete të ndryshme të Shqipërisë si edhe koncert me elementët më të spikatur të folklorit të tyre. Në këtë aktivitet do të marrin pjesë ansamblet popullore nga Berati, Malësia e Madhe, Tirana, Shkodra, Elbasan, Korçë, Lezhë, Lushnje, Përrenjas, Pukë, Vau i Dejës, Vlora, Himara etj.
MERI POPINS – DËSHIRA PERFEKTE
Muzikal, 25 shtator
Teatrit Kombëtar Eksperimental “Kujtim Spahivogli”
Teksti: Endri Çela, Bazuar mbi karakterin e autores P.L.Travers
Askush nga ne nuk e di se flladi i mbrëmjes që kalon mes yjesh e lodron me ëndrrat, sheh nga lart edhe dëshirat e fëmijëve. Prandaj ai zbret lehtë dhe i bën ato realitet. Kjo do të ndodh edhe në shtëpinë e dy fëmijëve të shfaqjes sonë; djaloshit të shkujdesur Fami, dhe vajzës tmerrësisht dyshuese Ilja. Vetëm se dëshira e tyre do marrë formën më të përkryer të imagjinatës së fëmijëve, atë të figurës së mirësisë, atë të imazhit të përsosur që mbi ajër rri, Meri Popinsit. Me një çadër fluturuese dhe me një çantë të surprizave magjike të vazhdueshme, ajo do u mësoj fëmijëve qejfin e të punuarit, ngrohtësinë e miqësisë, fuqinë e imagjinatës, se çfarë do të thotë të jesh njeri perfekt, dhe më e rëndësishmja; rëndësia e katër fjalëve magjike “të lutem, si urdhëron, më fal, faleminderit”.
Një shfaqje argëtuese, emocionuese dhe shumë edukuese. Plot me truke magjike, muzikë me tekste origjinale në shqip, dhe emocionuese për të vegjlit e për të rriturit. Sepse thelbi i shoqërisë sonë është dashuria dhe harmonia familjare.
