Shpesh mund t’ju duket sikur i dashuri po ju injoron. Por përse ndodh kjo? Ndoshta ai po kalon një periudhë të keqe por s’do të thotë që po ju injoron, por ndoshta nuk po ju kushton vëmendjen e duhur.
Por ç’duhet të bëni ju? Së pari, duhet t’i bëni partnerit apo të dashurit tuaj disa pyetje.
A je mirë?
Ju mund të pyesni partnerin tuaj nëse është mirë apo jo dhe çfarë po e shqetëson. Ky mesazh do të ‘shkrijë’ akullin dhe ai do t’ju shkruajë e ndoshta t’ju tregojë edhe se ç’po i ndodh.
Dërgoji një lajm pozitiv ose video ‘funny’
Meme-t, videot ‘funny’ apo një lajm pozitiv do ta bëjë partnerin tuaj që të reagojë menjëherë. Ky lloj mesazhi do të shkrijë akullin mes jush. Madje, ai do t’ju përgjigjet shumë shpejt me mesazh.
Kërkoni falje
Ju mund t’i dërgoni një sms partnerin tuaj ku mund t’i thoni se nëse keni bërë dicka që atij nuk i ka pëlqyer, atëherë jeni e gatshme të kërkoni falje. Ky gjest nuk ju ul, përkundrazi, por do ta bëjë partnerin të reflektojë e të flasë hapur me ju.
Gjithashtu, ju mund t’i thoni partnerit tuaj se mund të flisni me njëri tjetrin hapur në momentin që ai do të dëshirojë dhe do të jetë gati.
