Jennifer Lopez dhe Ben Affleck tashmë janë zyrtarisht të martuar! Dyshja kanë menduar një festë të madhe private për të festuar martesën e tyre.
Burime pranë çiftit thonë për TMZ se do të ndodhë një super festë në javët e ardhshme në një nga shtëpitë që Ben ka në pronësi në qytetin bregdetar të Riceboro, Georgia. Të ftuar do të jenë sigurisht, anëtarët e familjes si dhe miqtë e ngushtë të çiftit por edhe të famshëm, që pritet të ‘fluturojnë’ për të festuar me të porsamartuarit.
Jennifer, kohët e fundit, shkoi në shtëpi disa javë më parë me menaxherin e saj për të planifikuar festën dhe besojmë se edhe Ben ishte aty.
Shtëpia e Ben, rreth një orë jashtë Savannah, ka shumë hapësirë për t’u argëtuar – shtëpia ka 3 dhoma gjumi, 5 banja dhe 6,000 metra katrorë kuzhinë. Ben u përpoq ta shiste shtëpinë për rreth 8 milionë dollarë në vitin 2019 përpara se ta nxirrte nga tregu.
TMZ ishte media e parë që shkroi se Ben dhe Jen u martuan herët në mëngjesin e së shtunës në Sin City.
Pas lajmit, Jen postoi një seri fotosh nga ceremonia, ku përfshiheshin fëmijët e tyre, me një shënim ku shkruhej: “Dashuria është e bukur. Dashuria është e mirë. Dhe rezulton se dashuria është e durueshme…”.
Ajo gjithashtu shkroi, “Jennifer Lynn Affleck”.
