Këngëtarja e njohur me famë botërore, Shakira së fundmi është mërzitur me nënën e saj, Nidia Ripoll! Raportohet se këngëtarja nuk ka qenë aspak e kënaqur me komentet e nënës së saj për gazetarët që ka dhënë së fundmi.
Nidia Ripoll ka thënë se dëshiron shumë që Shakira dhe Pique të zgjidhin problemet që kanë me njëri-tjetrin. Nga ana tjetër, raportohet se Shakira i ka thënë nënës së saj më herët, që ajo të mos flasë fare për këtë çështje.
Marca thekson se Ripoll ndodhet pranë vajzës së saj në këtë periudhë të vështirë.
“Sigurisht që unë do të doja që ata të kthehen së bashku. Ajo po ndihet më mirë çdo ditë, falë Zotit”, ka thënë e ëma më herët.
Mirëpo, çfarë do ndodhë me Shakirën dhe Pique? A do e falë këngëtarja tradhtinë e tij?
Në mediat e huaja thuhet se ajo është gati që t’i japë dhe një tjetër shans Pique-s.
Informalia shkruan se ajo është ende e dashuruar me Pique.
Madje, u tha më herët se Pique është penduar për tradhtinë dhe tashmë dëshiron rikthimin me Shakirën.
Më herët, u tha edhe se ata do të ndaheshin në fillim të muajit qershor, por asnjë reagim nuk ka ardhur nga ata të dy.
